Loading...

  此如今着是未來

 快捷,  雅氣,  科學

  詩宴之野佇 2018 年創立。主要研究 kap 開發 ê 題目有 AI、電腦視覺、語言處理、資料庫 kap 網站設計、koh 有其他有關 ê 資訊軟體開發顧問諮詢。咱 ê 理念是提升科技 kap 人文 ê 結合,mā 用心 teh 提升產業 ê 技術 kap 美感。
  Scientia 是拉丁語「智識」抑是「科學」ê 意思。16 到 17 世紀 ê 大哲學家、科學家 Francis Bacon 捌講 "Scientia potentia est" 意思是「智識着是力量」。Scientia ê 發音 mā 不止 á 接近現代台語「詩宴之野」 ê 發音。咱使用即 ê 名是為着 kohkhah 顯明咱對科技、人文、kap 智識 ê 重視。
  創辦人 Phokgoan Chioh 佇台大電機系卒業後赴美國南加州大學深造。了後佇 Los Angeles ê 資訊科學中心任職多年後轉來台灣。伊有多年 ê 電腦視覺、自然語言處理、機器學習、IoT 通訊等等各種軟體 kap 韌體開發經驗。他 mā 是美國紐約 ê 新創公司 Ideaslab.com 共同創辦人兼技術長。

成功故事

  阮使用雲計算平台 kap 槽化 (containerization) 等技術,建造穩定、可擴張 ê 雲服務 kap 網站,kap 完整、好學好用 ê 後台管理系統。依據網站枝骨 kap 資料內容,建造簡單管理 kap 統計 ê 資料模。Mā 會當針對各種統計數字,畫出媠氣 ê 圖表。另外 mā 會針對手機、平板、電腦等等巨細無仝 ê 映幕,設計上適合閱覽的版面配置。